انا مظلومه ولا اقدر ان اثبت له برائتي!! نداء عاجل للاشتشاريين ...

احبتي بعد ان تعبت وعانيت اضع مشكلتي بين ايديكم لعلي اجد الحل....
احبتي تعبت وتعبت نسيتي حياتي صارت
كئيبه عيالي اصبحت معهم ام ثانيه عصبيه وحزينه وعايشه معاهم بجسدي
قفط..ترددت في طرح قضيتي..لاسباب عديده
انا متزوجه من عشرين سنه وعندي خمسه اطفال اكبرهم عمرها 18سنه...
زوجي محبوب من الجميع له شخصيه الكل
يحترمها وله وظيفه مميزه ومرموقه طيب خدوم عرف عنه حبه لخدمه الاخرين ؟؟في
البيت مرح معي وعيالي..عصبي جداًاذا غضب وهذا شي طبيعي ...يحبني لدرجه انه
دائماً يتغنى باسمي يقول لي ان الاباء يحبون ابنائهم اكثر من زوجاتهم لكن
انا احبك اكثر من عيالي...اذ رحت ازور احد يتصل علي لاتتاخرين ....
من حوالي سنه رايته حزين لدرجه اني ماشفته بهاالحاله سألته قال بعدين اقول لك !!!وكانت عيونه حزينه جداً
تركته ايام لكني اصريت اعرف اللي
فيه..تفاجئت به يقول لي جيبي المصحف وابيك تحلفين عليه تقولين الصدق !!سويت
اللي طلب لكني تفاجئت بالسؤال..ابحطكم في الصوره ..((كنا مسافرين لبنان من
13سنه وكان عندنا سواق سوري واخوه يشتغل بالرياض وعطانا رقم اخوه قال راح
يكون السواق تبعنا وراح يخدمنا ..في مره من المرات كنا مسافرين لمدينه
بحريه في لبنان وفيها شاليهات اخذنا شاليه وجلسنا ليله..اخذنا غرفتين غرفه
لي وعيالي وغرفه لزوجي والسواق...يقول انه في ذاك اليوم حس ان السواق مانام
وانه مالقه في السرير ومااهتم بالموضوع..
في الفتره هذي اخوه اللي بالرياض زار
زوجي في مكان عمله وسلم عليه وساله عن اخوه قال له يسلم على المدام
وعليك!!!زوجي جن جنونه ليه قال كيذا ويقول عيونه حسيت فيها كلام بس ماحبيت
اساله..))
السؤال اللي سالنيه كان كصدمه
كهربائيه لي انتي لك علاقه معه وش صار معكم ذيك الليله!!انصدمت بسؤاله
واخذت اساله ليه تشك فيني وبعد 13سنه من سفرتنا تسالني طيب ليه
ذكر لي القصه وانه كان شاك فيه وماارتاح وانه يوم كانويسبحون لاحظه جاء عندي يكلمني....
وزوجي كان بالبحر...ذكرت له السبب
وانه كنت جاسه على كرسي انتظرهم كان فيه شباب يمرون علي كم مره ويرمون
كلمات وقحه وكانويتغزلون بعيوني لاني كنت منقبه وكنت خايف منهم وعصبت من
زوجي لانه مااهتم ..اهو لاحظ الشباب وجاوسالني وعلمته راح لهم وتفاهم
معهم..ومضت القصه زوجي كان متوقع انه جاي يسولف معي على قولته اويخطط معي
..حلفت له وانه ماكان مني ومنه اي شي ..وبكى وقال الحمدلله كنت خايف من
الجواب علشان كيذا ما ناقشتك!!!
ومضت الا مور لكن بعد فتره عاد
الموضوع وانه مازال في قلبه شك بكيت وحلفت له وحاولت اثبت برائتي والحمدلله
انتهت المشكله ..وعدت شهور على خير..
لكن جتني مصيبه اكبر واعظم في يوم من
الايام وبعد صلاه الفجر كنت اصلي سمعت صوت تحت غرفتي عفوياًطليت من الشباك
وكانت غرفتي واجهه اليت يعني تحت مجلس الرجال وباب الرجال الخارجي كنت
ابشوف مصدر الصوت !!حمق علي وقال ليه تطلين من الشباك وفيه سيارات ..
تاسفت لكن من يومها وحياتي في
جحيم..اصبح يشك فيني وانني اخونه وانه يشوف سيارات تجي عند الحاره واذا راح
يصلي الفجر يلاقي سياره في الحاره ويطالعه وانه له علاقه معي...حاولت
افهمه ان مالي علاقه معه وانني بريئه ولايمكن اخونه وانا اخشى الله واحبه
ولكن لم يصدقني وحياته معي تغيرت اسلوبه ..اصبح حزين وكئيب..وكلما حاولت
اقنعه يقول خليها على الله ..
يوم من الايام جاء من صلاه الفجر
واهو غضبان وقال خلاص يابنت ريحتك فاحت بس ليه تخونيني وش سويت وان عنده
ادله واثباتات وعنده ارقام تلفونات وان عندي رسايل منهم واكلمهم..لاتسالوني
عن موقفي اصبحت مذهوله من كلامه وابكي واحلف اني بريئه ولايمكن اسوي كيذا
وسالته وين الصور ورنيها وين الارقام ضحك بسخريه وقال تلعبين على نفسك انتي
تمسحين الارقام والرسايل بس انا اقدر اجيبها قلت خلاص جبها ..
اخذ يستهزاء بكلامي واني خاينه
ومااخاف الله ..قلت خلاص انا ابطلع واترك البيت لكن اذا عرفت برائتي ماراح
اسامحك لانك ظلمتني..اخذ يستهزا ويقول ياليت انا ظالمك
طلعت من الغرفه وجالي واخذيستسمح
ويقول ليتني ماقلت لك لاني احبك ومابي اخسرك حتى لو سويتي شي ؟؟صرخت في
وجهه وقلت انا ماسويت شي وانفجرت بالبكاء لدرجه اصبت بالدوار وانا اقول
والله اني بريئه صدقني ...اخذني للغرفه وتسامح مني وانه ماراح يشك فيني..
قلت له خلاص الغي الشباك رفض كرهت غرفتي وحياتي معه...في رمضان كان اسؤءسنه
لي وكل ماسالته ليه حزين واحاول ابين له اني بريئه لكن دون فائده ..
يعني نجلس ايام مبسوطين ونرجع للهم
اصبحت حياتي مهدده اصبحت اعيش في خوف من المجهول ..زعلت في رمضان وقررت
اروح لاهلي واقولهم عن كل شي لكنه منعني ورفض بشده ..
بينت له اني ماقدر اتحمل العيش معه
وظلمه وقلت له... مابي ادعي عليك لان دعوه المظلوم مستجابه قال ياليتك
مظلومه ,,واخذ يبكي ويقول خربتي حياتي ليه تخونيني انا احبك لدرجه حتى وانا
بالعمل افكر فيك واشتاق للرجوع للبيت ..والحين كرهت البيت وكرهت العيشه
فيه..اشفقت على كلامه لكن انا مظلومه كيف اثبت له ماني قادره يقول لي انه
ركب كميره في المجلس بس ماشغلها مايبي يشوف شي يكدر عليه سالته وينها
وحاولت اقنعه يشغلها لكنه رفض ...وبعدها تصالحنا لكن للاسف كل فتره يرجع
للموضوع ... يقول انتي عارفه وانه شايف واحد طالع من البيت الفجر... يقول
انه شايف واحد طالع من البيت الفجر...وانه طالع وركب السياره ..قلت له ليه
مالحقته قال انحاش ومابي انصدم من كلامه!!!!!!!!!!!!!!
احبتي اعرف اني اطلت عليكم اعذروني
..حاولت اقنعه يعرض نفسه على طبيب نفسي لكنه رفض وان مافيه شي لانه يجيب لي
اثباتات ماهي صحيحه وانا ماسويتها...
تكفون ساعدوني حياتي تبدلت من نعيم
الى جحيم,,بيتنا اصبح كئيب ..وحزين ...بنتي تقول يمه شكل احد صايبنا
بالعين...انا الان اعيش معه تحت سقف واحد بالجسد فقط
لكن هو مازال يحبني ويقول ليتني
مااحبك كان اهون علي لوتدرين يابنت الناس وش لك محبه في قلبي....ويقول لي
اذا شفتيني حزين لاتخليني خليك جمبي .....
والله احترت وتعبت ساعدوني ..
الى كل الاشتشاريين اناشدكم بالله ان تساعدوني لاني لم ولن احكي قصتي لاحد لانه حذرني خوفاًعلى بناته من الفضيحه..
مشكلتي لم تنتهي لها بقيه!!!

احبتي يعلم الله انه
لااحد يدري من مصيبتي الاالله اللذي التجاء اليه في جنح الظلام انه يظهر الحقيقه امام زوجي ويفك ازمتي ويكفيني شر من ابتلا ني...
يعلم الله ان صدري حزين وكان صخره عليه ولا اقدر ان ازيحها ...
حياتنا تبدلت من فرح وسعاده لحزن وهم وكأبه....
((اللهم يامخرج برائه يوسف عجلي ببرائتي اللهم اكشف لزوجي الحقائق))

» عاجل,رسوم فيزا اللوتري نزلت النص من 819 الى 440 و الخبر أكيد

انا مظلومه ولا اقدر ان اثبت له برائتي!! نداء عاجل للاشتشاريين ...

انا مظلومه ولا اقدر ان اثبت له برائتي!! نداء عاجل للاشتشاريين ...

مواضيع مماثلة

مواضيع مماثلة