سما روحى
welcome
عدد المساهمات : 13
السٌّمعَة : 2
تاريخ التسجيل : 25/02/2012
 |  موضوع: انا احب اخو زوجي .... اعتراف  الثلاثاء فبراير 28, 2012 6:11 pm | |
| هذي مشكله مستعصيه لوحده من نساء المسلمين
السلام عليكم ورحمة الله وبركاته
ابي اقول لكم مشكلتي وارجوكم لا تظلموني ابيكم تساعدوني
انا متزوجه من سنتين و زوجي لا اكرهه ولا احبه عااااااااادي .. من اول لقاء
حسيته كذا سخيف وشخصيته ضعيفه وماهو ثقيل ابداااااااااااا وما يعرف يتصرف
ولو يبي يسحب فلوس من الصراف يتصل على ابوه زياده على انو ما معه شهاده
وفاشل في عمله يتنطط من شغل لشغل .. قلت الحمد لله على ما عطاني ربي يكفي
انو قلبه طيب .. على امل انه يتغير
احنا ساكنين في بيت اهله و فيه امه وابوه واخته صغيره واخوه الكبير لسه ما
تزوج جاي من كندا جايب شهادة الماجستير .. واخوه هذا هو سبب المشكله .. من
اول ما شفته قلبي فزززز .. رزه وشخصيه راااائعه ومثقف وكلامه كله عقل وثقل
ودين وصلاة ومرتب بلبسه وسيارته نظيفه و اهله ما يشكون خيط بابره الا برأيه
واستشارته هذا غير شكله ماشاء الله وسيم .. لو ابي شي يوقف معي ويساعدني
وزوجي حطني تلقاني .. طبعا انا ما اكشف له اتغطى عنه بالكامل حتى اذا نزلت
تحت ما البس بنطلونات عشان ما تبان من تحت الشرشف ..
يوم بعد يوم لاحظت انه شاغل تفكيري .. وصرت اتلهف لوقت الغدا عشان اشوفه (
طبعا نجلس على طاوله وحده لكن انا وزوجي بجهه واحط الشرشف اصد عنه وهو اصلا
ما يطالع ) .. واذا نزلت اتقهوى مع ام زوجي المغرب وما لقيته بالصاله
تجيني ضيقة صدر ودي بشوفته كل يوم ... اذا سمعت صوته بالصاله تجيني رجفه
وقلبي يدق يدق يدق
واذا تكلم معي او سالني عن اخوه اللي هو زوجي ارتبك واتلعثم واحس قلبي
بيطيح بالارض.. واذا دريت انه بيسافر لو 3 ايام تجيني غلقه واقعد ابكي يعني
اشتاق له ..
بعد فتره صرت احلم فيه بالليل غصب عني والله ..
اتصلت على شيخ معروف وقلت له مشكلتي .. قال لي بالنسبه للاحلام مالك ذنب
لانها حلم .. لكن تعوذي من الشيطان واكثري من الاستغفار عشان تروح عنك
هالافكار .. واعطاني جزاه الله خير محاضره عن الشيطان وسوسته للانسان وقال
لي الحمو الموت وقال لي حاولي ما تقعدين في وجوده ولا تشوفينه ابد ولا
تتكلمين معه .
المشكله الحين اني احاول واحاول صرت ما انزل في وجوده ابدا .. واذا كنت
بروح مشوار مع ام زوجي واخوه اللي بيودينا ادور لي اي حجه عشان ما اركب
سيارته وزوجي يفسره اني ما ابي امه ولا ابي اقعد معها ولا اروح معها
وقلت لزوجي ما ابي ناكل مع اهلك على الطاوله قلت له استحي من اخوك قال توك
تستحين منه ؟ كنتي اول وحده تنط تروح تتغدا خلي عنك هالخرابيط وقال ابوي
بيزعل ورفض .. صرت اجيب الغدا بغرفتي لحالي
عصب زوجي وتهاوشنا وقال انا عارف انك تسوين حركات تبيننا نطلع من بيت اهلي
والحين علاقتي بزوجي متوترررررره .... وغير كذا ام زوجي تبي تخطب لاخوه
وانا كل ما اسمع هالسيره يجيني ضيقة صدر واكتئاب تقولون زوجي اللي يبي
يتزوج مو اخوه .. ما ادري وش اسوي ودي اطلع في بيت بلحالي عشان
انسااااااااااه كل ما حاولت ابعد يتنطط في وجهي زياده ... لا وبالعيد اخوه
جايب لي هديه زي هدية اختهم الصغيره يعني قصده كلكم خواتي وما يبي يجيب
لاخته وانا معهم بالبيت وما يجيب لي
وزوجي ذاللي ما عنده احساس ما جاب لي شي .. ودي اعطي هديته احد عشان تبعد
عن وجهي بس احسها غاااااااااااااااااليه علي ياربي حالتي صعبه
وزوجي ما يدري عن شي ودايم يسولف عن اخوه عندي طول الوقت معجب فيه بشكل خيالي .. ويمدح فيه ويقول لي عنه قصص .. وديييي يسسسسسسسسسكت
وش اقول لزوجي كيف اقنعه نطلع من البيت وانه ما يجيب سيرة اخوه ولا يجيب لي اي شي منه
اقول له بالعربي كذا انا احس مشاعر اتجاه اخوك احسن لنا نبعد والا وش اسوي
بنات ارجوكم لاتحطون على راسي اتهامات انا ابي مساعدتكم وانا احبه وانا سااااااااكته ما سويت اي تصرف يبين لاحد اني احبه
منقوووول
|
|
الإثنين مايو 29, 2017 9:14 pm
