كيفكم يا شباب ان شاء الله تكونوا بخير ودوام الصحّه والعافيه..اّمــيــن

اول حاجه عايز اوضح نقطه وهيا 101 دايما في الجامعات الماده الي في المستوى
الاول تكون 101 وفكره الموضوع هحاول اني اوضح اشياء يمكن للي بيكون في
امريكا يشوفها سهله او مش مهمه ولكن فى طبيعه الامر هتفيدك وتخليك على علم
بالاشياء الموجوده بدل ما تحتاج للسؤال عنها او تضع نفسك فو موقف محرج .

تانى حاجه والاهم ان الموضوع مش من مجهود خاص بيا انا انا نقلته من اخ مقيم
هناك خليجى فانا ظبطت اللهجه والشرح وشويه اضافات صغيره من عندى تكاد لا
تذكر قياريت عشان حق الاخ ميروحش ندعيله بالمجهود اللى عمله ده ويرزقه
الجنه والاخلاص فى القول والعمل
_________________________

1

الضرائب Tax


- ضرائب المبيعات تحتلف من ولايه للثانيه و اعلى نسبه في كاليفورينا 7.25 و
المبشر بالخير ان بعض الولايات مش فيها اي ضرائب للمبيعات واهمها اوريجون
والاسكا. وفي اللنك ده نسب ضرائب المبيعات لكل ولايه.
State Sales Tax Rates

- في نيويورك الملابس اللي اقل من 120 دولار وفي ناس قالوا 100 ما يكون عليها ضرائب.


2

التدخين


- هذا من اجمل الانظمة الي عندهم ان تقريبا التدخين ممنوع في اي مكان مغلق
مثل الاسواق و المحلات و داخل المباني . ولكن طبعا الكلام ده لا يطبق في كل
مكان في الكازينوات و بعض الفنادق في لاس فيجاس او اتلانتك سيتي مسوح
التدخين فيها في مناطق محدده لان هذا ده راجع لقانون الولايه.

- الشي الغريب ان المعسل مسموح فيه داخل المحلات والمقاهي العربية.

وانا طرحت الكلام ده قانونا ولكنه شرعا حرام وان شاء الله يتوب على كل الاخوه المدخنين ويبدّل سيئاتهم حسنات ... اّمين


3

الادويه



- خلال زياره لامريكا ومعاك ادويه احرص ان الوصفات الطبيه تكون معك بالشنطه لان احتمال يسألوك عن الادويه الي معاك.

- ان بعض الادويه في الاولايات المتحده الامريكيه لا توصف الا بوجود وصفه
طبيب. بس السؤال هل يعترفون بالوصفات الي تيجي من خارج امريكا او لا؟؟ الله
اعلم


4

القيادة

السواقه في امريكا مريحه طبعا بستثنى مدينه نيويورك

- حزام الامان الزامي في امريكا لازم تتعود انك تربطه في كل وقت.

- في الطريق السريع لا تولع النور القوي على السيارات الي قدام واللي ماسكه
اقصى اليسار عايز تتعدى استنى انك تلف يمين او اضرب اشاره يمين وتجاوزه.
في امريكا تقدر تتجاوز من اليمين الا ان كان في لوحه توضح ان التجاوز من اليسار.

- في الطرق السريعه خصوصا الي تكون بين اشجار وغابات هتشوف علامات تنبيه ان
في غزلان يمكن تطلع على الطريق امشي عادي بس بنفس الوقت انتبه لها لانه
احتمال تكون فى نص الطريق خصوصا بالليل.




5

المواقف



موضوع المواقف طويل وتفاصيله كثيره لان كل ولايه او كل مدينه يمكن لها نظامها وانا بحاول اني اختصر فيه و اوضح اهم الاشياء.
لما تشوف في امريكا في بعض المدن يكون اكبر همك انك تلاقي موقف وان الموقف الي تلاقيه مش يكون عليه مشاكل.
احرص انك تقرا اللوحه الموجوده على الصوره وهل الموقف مجاني او بفلوس و الفتره المسموح الوقوف فيها.




6

الاكل



- اذا كنت من محبي البيتزا وخصوصا البيبروني انتبه لان اغلب البيبروني من
لحم خنزير و افضل شي لما تطلب اكل و تشك انه في لحم خنزير انك تسال اللي
شغالين.
واذا كنت في منطقه فيها مسلمين مرات هم هينبهوك ان شاء الله بس الاحتياط واجب.


7

البقشيش Tips



- اكثر المطاعم في امريكا مش بيكون في رسوم خدمه و الزبون هو الي بيحدد كم
يعطي الجرسون اللي خدمه و اللي معروف ان اذا كانت خدمه ممتازه 20 الى 18 %
من قيمه الفاتوره وسط تديله تقريبا 15% عاديه 10% انصح الواحد انه يدفع لهم
فلوس خدمه لان رواتب اللي يشتغلون قليله وبعضهم طلاب ولو مش اديتهم خدمه
انصحك مش تروح لهم مره ثانيه لان يمكن مش يخدموك كويس.
بس لازم تقرا الفاتوره قبل ما تدفع بقشيش لان بعض المطاعم تحط لك رسوم خدمه
مثلا اذا كان عدد الي اكلوا سته او اكثر او المطاعم العربيه خصوصا الي
فيها سهرات بيحطوا خدمه غصب عننا.


8

الشرطة



لا سمح الله وقفك شرطي في طريق سريع او داخل المدينه وانت راكب سيارتك اقف
على جنب ومش تنزل من السياره ابدا و حط ايدك على الدركسيون علشان يشوف ايدك
ولما يخبط على الزجاج افتح له الشباك و رجع ايدك او خلها واضحه اهم شي
واديله الاوراق الاي يطلبها منك.

اهم حاجه مش تنزل من السياره الا لما يطلب منك وخل ايدك ظاهره طول الوقت.


9

محطات البنزين



- في امريكا 3 انواع للبنزين ولكل نوع سعر ومن خلال تجربت بعض الشباب ان
البنزين الرخيص يحترق بسرعه و هتعبي مره ثانيه في وقت اسرع من لو عبيت
الوسط.
فعبي من المتوسط منها سعره يكون وسط و يطول معاك.

- سعر البنزين مش ثابت تقريبا كل يوم له سعر.

- سعر البنزين يختلف من محطة لمحطة ثانيه حتى لو انها جنبها و مش عارف على
اي اساس بس النوعيه لها دور يعني فالغالي يكون افضل من الرخيص.

- في نوعين من المحطات وده يعتمد على الولايه.
وفي ولايات مثل نيويورك فيها النوعين. النوع الاول خدمه ذاتيه انت تنزل
وتستخدم اما البطاقه الائتمانيه او تدفع كاش عند البقاله او الموظف وتقوله
رقم "البمب" الي موقف سيارتك عندها.
والنوع الثاني خدمه كامله و يكون في موظف هو اللي يصب لك البنزين.
دي صوره لمحطه خدمه ذاتيه بس ان شاء الله مش يكون في ثلج



10

رسوم الطرق السريعه والجسور Toll

- في بعض الطرق السريعه والجسور و الانفاق رسوم لاستخدامها.
على سبيل المثال في احد الجسور في مدينه نيويورك علشان نستخدمه لازم ندفع 9 دولار.
وهيكون في لوح توضح ان في رسوم و مكتوب عليها Toll وفي مسارات مخصصه للكاش -
مسار لما يكون عندك قيمه الرسوم بالضبط لازم تكون قروش لانك بترميها في
حاجه زى السله - او المسار للي دافع الفلوس من قبل و بيسموه Epass ايزي
باس.
تكون السياره فيها جهاز لما تمر من يخصم من حساب السواق.

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x482 .


زي الصوره الي فوق الي عنده ايزي باس ش محتاج يوقف عند الكونتر او الكاشير .

- لو مشيت بدون ما تدفع الرسوم هتاخد مخالفه. وافضل حاجه انك تخلي معك صرف و قروش .
في بعض المخارج الصغيره ما يكون في موظف اما انك تكون مشترك في خدمه ايزي باس او يكون عندك قروش فقط.
الرسوم دى موجوده بكتره عند مداخل اورلاندو و في الطرق السريعه.

يتبع