الدراسة في أمريكا..... "مجانا"...... للمغتربين فقط

بسم الله الرحمن الرحيم


كل واحد فينا نفسه ياخد شهادة من امريكا عشان يحسن من وضعه , بس لما يسمع عن مصاريف الكلية بيصرف نظر من حجم المبلغ .

أنا لسة واصل امريكا من شهرين, بس قبل ماآجي كنت مخطط أنا عاوز إيه , وكان من ضمن الحاجات اللي أنا مخطط لها اني آخد شهادة من هنا, فـفي الفتره اللي كنت مستني فيها الجرين كارد كلمت أكتر من كلية عشان أعرف نظام الدراسة ازاي والمصاريف , فعرفت منهم ان في حاجة اسمها Federal Student Aid.

وده عباره عن منحة "Grant" من الحكومة لي أي طالب امريكي أو مقيم دائم " جرين كارد" لا ترد , وده بتكون كل سنة والمنحة بتتحدد على أساس الدخل السنوي لأسرة وبتصل لحد 5350 دولار سنويا , غير انها بتاهلك لمنح تانية بس الكلية هي اللي بتعمل الباقي عن طريق Federal Student Aid.
على فكرة المنح كلها بتغطي معظم مصاريف الكليات فإنت مش هتحتاج غير مصاريف ابلكشن التقديم وفي كليات مش بتحتاج رسم للابلكشن.

طب هنفرض إن المنح مش مغطية كل المصاريف , في حاجة اسمها Federal Student Loan وده عباره عن قرض من الحكومة بتسدده بعد 6 شهور من التخرج .

ده الموقع وانا هشرح إنت المفروض تعمل إيه
[ندعوك للتسجيل في المنتدى أو التعريف بنفسك لمعاينة هذا الرابط]

الخطوة الأولي

هتدخل على الموقع ده تعمل حاجة اسمها Pin وده رقم خاص بيك في معلومات عنك.
[ندعوك للتسجيل في المنتدى أو التعريف بنفسك لمعاينة هذا الرابط]



الخطوة الثانيه

لحد مايبعتولك E-Mail دور على الكلية اللي إنت عاوزها على النت أو كلمهم في التلفون , ممكن تقدم في كليه Online , يبقى بتدرس وبتشتغل في نفس الوقت , إنت كل اللي هتحتاجه 20 ساعه في الأسبوع دراسه .
أكتب أسامي الكليات اللي إنت عاوزها عشان هيسالوك في الخطوة الجايه عنهم .


الخطوة الثالثة

الخطوه ديه هي اللي هتقدم للمنحه , هتدخل على الموقع ده وتحط كل البيانات المطلوبه من غير ما تذود أو تنقص حاجة.
[ندعوك للتسجيل في المنتدى أو التعريف بنفسك لمعاينة هذا الرابط]


بعد ماتملاه كل البيانات هيردوه عليك في خلال 5 أيام ويقولولك إن طلبك اتوافق عليه ان شاء الله , وهيعرفك المبلغ اللي إنت تقدر تاخده .
وبعد كده إنت تقدر تكلم الكلية اللي نفسك تدخلها وتعرفهم إنك عملت "Grant" وتشوف هم محتاجين إيه منك.

أنا الحمد لله حصلت على 5350 دولار , وقدمت في الكلية اللي عاوزها بس كل اللي ناقصني إني أعمل اختبار TOEFL ربنا يسهل وأخش الاختبار على أول يناير .