أسئلة هامة بخصوص فيزا b1b2

بخصوص فيزا b1b2

أحب أعرف الخطوات والترتيب ازاي والوقت بين الخطوات

ايه الاول وايه التاني وايه التالت وقد ايه بين كل حاجة واللي بعدها ؟

- دفع 140 $ في بنك cib



- الاتصال لتحديد موعد المقابلة


- ملأ استمارة وتحميل صورة شخصية على موقع السفارة الأمريكية بمصر وكتابة مخطط الرحلة في الاستمارة



- المقابلة الشخصية في السفارة


- استلام جواز السفر على البيت من dhl


س1
ايه نعمله الأول وايه تاني وثالت في التلات خطوات الاولى ؟


س2
قد ايه وقت ما بين : الدفع في البنك / الاتصال لتحديد مقابلة / ملأ الاستمارة أونلاين ؟



س3
هل يمكن تعديل مخطط الرحلة على الاستمارة الاونلاين ؟ يعني مثلا أنا عملت الاستمارة فهل ينفع اعدل مخطط الرحلة قبل المقابلة بيوم أو يومين ؟



س4
في حالة الاتصال لتحديد موعد مقابلة .. المعاد بيكون بعد كام يوم تقريبا ؟ يومين ؟ اسبوع ؟ شهر ؟



س5
لو اخدت الفيزا بعد المقابلة .. الباسبور بيوصل بعد كام يوم عالبيت؟

any reply

??????????

بص ياحاج الاول اتصل حدد ميعاد عن طريق الرقم الارضي بتاعهم الدقيقة بعيد عنك بخمسة جنيه هتاخد معياد تقريبا بعدها بعشرين يوم او اكتر هيتبعت ليك رقم علي الموبايل تروح بالموبايل والرسوم والباسبور ال سي اي بي ركز اعمل معروف تروح البنك وتديهم الرقم اللي اتبعت ليك من مركز تحديد المواعيد هتستلم وصل تخليه معاك وترجع بيتكم تشرب شاي وبعدين خلي بالك عد كده معايا (كشف حساب باسمك في البنك تقريبا لاخر اربع شهور فيه حركات سحب وايداع حلوة +شهادة بنكية فيها مثلا 60 مترجمة +حجز فندق افتراضي من طلت حرب +جواب عمل مترجم +الباسبور +املي الابليكيشن هيتملي في يوم من اي سيبر واطبع أخر ورقة والصور مش هتاخد يومين 5*5 وتوكل علي الله ومتنساش برده انها نصيب ) سلام يامعلم

س1
ايه نعمله الأول وايه تاني وثالت في التلات خطوات الاولى ؟
اول خطوة الاتصال وتحديد ميعاد والرقم موجود ارضى وموبيل عن طرق فودافون 2100
واعتقد ان اقرب ميعاد ممكن بعد شهر وشهر ونص.. وهما بيكلموك وتحدد الميعاد ويتبعت لك رسالة على الموبيل فيها رقم الميعاد والتاريخ والميعادوحضرتك مش حتقدر تحدد ميعاد غير بالباسبور بتاعك يكون معاك ويكون معاك وصل البنك اللى دفعت بية علشان بياخدوا منة رقم

س2
قد ايه وقت ما بين : الدفع في البنك / الاتصال لتحديد مقابلة / ملأ الاستمارة أونلاين ؟
لازم يكون معاك وصل البنك علشان تقدر تحدد ميعا وملاء الاستمارة فىا اى وقت مش مشكلة مش محتاجة وانت بتحدد ميعا انت محتاجة بس فى المقابلة
س3
هل يمكن تعديل مخطط الرحلة على الاستمارة الاونلاين ؟ يعني مثلا أنا عملت الاستمارة فهل ينفع اعدل مخطط الرحلة قبل المقابلة بيوم أو يومين ؟

لاا ما ينفعش تعدل فى الاستمارة بعد ما تكتبها عشلان انت بتطبع منها ورقة التاكيد اللى فيها رقم الاستمارة وبتسلمها فى المقابلة وميفعش تعدل اى حاجة فيها ولو عايز تعدل يبقى تغير كل الاستمارة وتكتب استمارة جديدة


في حالة الاتصال لتحديد موعد مقابلة .. المعاد بيكون بعد كام يوم تقريبا ؟ يومين ؟ اسبوع ؟ شهر ؟

ممكن بعد اسبوع او اسبوعين او شهر او 3 شهور كل دة اللى بيتحكم فية الضغط والناس اللى بتقدم على السفارة هما مش بمزاجهم دة مجدول ..
س5
لو اخدت الفيزا بعد المقابلة .. الباسبور بيوصل بعد كام يوم عالبيت؟
لو ربنا كرمك وقالولك احنا موافقين نديك الفيزا حاجة من 2 مالهمش 3 الحاجة الاولة تقول لك اشترى تمن dhl وتسلم باسبور وتمن 85 جنى حتشتريها من السفارة والباسبور بتاعك حيوصلك على بيتك بعد لما يطبعوا الفيزا بيوم او اتنين او 10 انت باردوا ونصيبك والضغط اللى عندهم بس انت ضامن انك معاك فيزا
الحاجة التانية اسمها اجراءات ادارية بيقولك احنا موافقين بس حنعمل عليك اجراءات ادارية بمعنى بتدك ورقة وفى رقم انت بتابع الموقع بتاعهم بالرقم دة من بعد 3 ايام من المقابلة لحد 3 شهور وبنسبة كبيرة بيردوا عليك بالموافقة ويقولوا لك ابعت لنا الباسبور عن طريق dhl وبتروح تبعت باسبورك وباردوا بيبعتوا قبل 10 ايام لو مفيش ظروف طارئة تمنع ان الباسبور يوصل لك قبل 10 ايام وعلى فكرة الاجراءات الادارية ممكن ما تخلكش تاخد فيزا بسبب انهم بيسئلوا عن اسمك من قوائم المحظورين ليك قرايب فى قوائم المطلوبين عندهم وبس كدة وربنا الموفق ان شاء الله

السلام عليكم

الصراحه انا كمان كنت مش عارف

بس ربنا كرمنا والحمد لله وبجد عرفنا ان فيه ناس كتير في المنتدي دا محترمين جدا
وشكرر حار ل admin ساحر اليكس و asdlion

الدال علي خير كفاعله وانشاء الله ربنا يكرمك هي البلد كلها عايزه تسافر طيب مين اللي مش عايز بقي ومين اللي هيعيش فيها لما كلهم عايزين يسافره ربنا يسترها معانا بجدفي البلد دي

استغفر الله العظيم