الوقت الذي يكفيني لابدعالسلام عليكم ورحمة وبركاته
سوف اطرح لكم مشكلتي وابغى تنصحوني بالصواب واذا كان فعلى غلط تقولون
لي كيف أغير

شغل البيت على انا وخواتي ماعندنا خدامه بس قائمات بالي نستطيع عليه
تزوج اخوي وزوجته انسانه بارده بمعني الكلمه لاتهتم بطبخ ولاغيره واخوي الله لايوفقه مسوي
بس علينا الرجاله قبل مايعرس اما عليها مايقدر يقول سوي لي قهوه
اكله وشربه عندنا وهي بس منام
حنا حسينا من البدايه بنيته ورخامته بس ماطمعناه صرنا نتغدى بدري ومانعمل حسابه وبالعشا نفس
الشيء لان حنا يالله قايمات بالبيت الي لنا
وطبعا هي لصقه مايهمها شيء ماتقول زوجي يجوع اسوي له لقمه
من تجي من دوامه تحط راسها نوم لين المغرب ثمن تصحى وتجي ترتز عندنا لين
العشاء
لاتقول اساعدهم حتى المطبخ ماتدخل معنا الكاسه الي قدامها غير حنا نشيلها

حنا اتخذنا سياسة التطنيش اذا حضرو عندنا نصرف انفسنا كل وحده بشغله مانقعد معهم
عاد هم ثقيلين دم لو نتكلم يقول ماهي
مقصره مايدري عن بلاوي الحريم وحنا نبيها تحمل مسؤلية بيتها ماهو بس فراش
وتجي كانها ضيفه نخدمها
والله ماهو حقد بس صرنا ننقهر زوجناه حتى نرتاح ابتلينا فيه وفيها
لدرجة اذا تأخر العشاء يقول الواجب على مين الليله من تعشينا
مره مصاخه طفشنا

هو يقول حنا اسره وحده لازم مع بعض وامي تقول لازم تحملن وتصبرن وعادي اخدمنها هذا اخوكن حرام
وحنا نرحمه بس يقهرنا عدم تحملها المسؤليه وانها تجي ماتساعد حتى السفره ماترفعها
تحسب روحها برنسيسه
واذا جاء من الدوام يدور الغداء مره امي فشلته قالت انت زوجتك ماتطبخ قال لا ماهي مقصره بس انا مابي غداء
طيب ليه جاي والامتعود على الخدمات خواتك

الحين عطوني رايكم كيف نتصرف مع الميته انا وخواتي
مانقدر نحكي ولانشتكي لاحد وامي تقول عيب بعدين يزعل اخوكن
هل نستمر على سياسة التطنيش ونصرف انفسنا لاجات
وهو من زمان سحبنا عليه في الغداء وخاف نكتشف انها ماتطبخ له وصار يقول مابي غداء
والله اني ارحمه واضح الجوع بس مايبي على زوجته كلام
هل نستمر ونسحب بهدوء
هل الي نسويه لعانه وحرام
ريحوني وادعوا لي ولخواتي