فيزا Cr1 منذ البداية حتى المقابلة النهائية

=blue]=blue] [/color]

هذى بعض المعلومات للتقديم من مصرررررر

من عنده معلومات اخرى موثوق فيها يتفضل و يضيف للموضوع

المطلوب فى اول مشوار ال CR-1 اذا كانت الزوجة هتقدم طلب الهجرة فى مصر

صورة ليك و للمدام خمسة فى خمسة خلفية بيضاء
عقد الزواج مترجم للانجليزية و يفضل تاخد معاك اكثر من نسخة
باسبورك انت و المدام و صورهم برضو
شهادة ميلادك و ترجمها برضو ووثقها فى الخارجية
صور ليك انت و المدام صور كتير على قد ما تقدر او اى جوابات كانت بينكم
استهدى بالله كده و ربنا هيكرم

بالنسبة للترجمة :-( للمقيمين فى الاسكندرية )
روح مكتب الناضورى و نحاس ..ده فى شارع السلطان حسين فى الازاريطة فوق حلوانى جنواز
هياخد منك 40جنيه فى ترجمة الورقة الواحدة بس شغلهم كويس و راجع عليهم بعد ما يترجموا
و المكتب ده معتمد من السفارة الامريكية وموجود على موقعهم
(للمقيمين فى القاهرة )
مبنى وزارة العدل فى لاظوغلى

قبل ما تسافر للمقابلة انشاء الله اتاكد ان معاك رقم المفابلة عشان هتستخدمو فى الدخول هناك
هيوقفوكم صفين (صف للهجرة و صف للسياحة ) تكون هناك من 7 الصبح احتياطى و تاخد معاك مياه معدنية و عصير و سجاير كفاية لو انت مدخن عشان ممكن القعدة تطول
تكون هادى و اتكلم بثقة و ابتسم

اهم من كل شىء
استمارة I-130 و استمارة G325
المدام اللى هتملاهم بالنيابة عنك و اطبعهم من على النت و حافظ عليهم لانهم مطلوبين فى المقابلة
و خد معاك حوالى 450 دولار ( المطلوب 355 دولار بس ) بس احتياطى و كمان 55 جنيه لل Dhl عشان لما يبعتولك الورق ان شاء الله
هتخلص المقابلة ان شاء الله هتكون جعان اطلع من السفارة و اتمشى 5 دقايق بس هتلاقى هاردييز روح كل هناك و بالف هنا

بعد كده هتنتظر 6 شهور تقريبا عقبال ما الهوم لاند سيكيورتى يعملوا تشك على بياناتك و يتاكدوا ان كلوا تمام ان شاء الله

بالنسبة للاتصال بالسفارة لتحديد يوم المقابلة و الاستفسار عن المطلوب اطلب 2100 من خط فودافون وسعر الدقيقة 2 جنيه
اللى هيرد عليك يقوللك هات كل المستندات اللى انا كتبتهالك فوق ولو جاهز حدد اليوم معاهم
واثناء المكالمة خللى باسبور المدام معاك عشان هتسئلك عن بعض البيانات اديهالها فى التليفون
زى رقم الباسبور وصادر منين و اسم الزوجة الكامل

بعد انتظار 5 او 6 شهور هيجيلك الباكدج من السفارة عن طريق DHL فيه كل المطلوب منك للمرحلة الثانية
وهو تعبئة الفورم اللى اتبعتلك من السفارة بدقة و عناية شديدة
صور ليك 5 فى 5 خلفية بيضاء طبعا
فيش و تشبيه مترجم للانجليزية هتبعته للسفارة
شهادة الجيش مترجمة للانجليزية هتبعت صورة و ليس الاصل
شهادة الميلاد مترجمة برضو هتبعت صورة و ليس الاصل
عقد الزواج مترجم كمان هتبعت صورة و ليس الاصل
و المهم هنا هو عمل الكشف الطبى اللى هيكلفك حوالى 400 جنيه
اشعة على الصدر .. و تحليل HIV و تحليل دم اخر (سيلان).. و هيدولك شوية تطعيمات
و بعدين هيدولك ريبورت مقفووول فى ظرف .. اوعى تفتح الريبورت ده عشان الريبورت ده هتبعته للسفارة
لو اتفتح مش هيتقبل فى السفارة خللى بالك
و بالنسبه لاشعة الصدر متبعتهاش لان نتيجة الاشعة فى الريبورت المقفول
و انت رايح الكشف الطبى صور باسببورك و خد معاك صور شخصية ليك هيتم ارفاقها بالريبورت
كمان ورق الضامن sponser وده مهم جدا هتبعته برضو استمارة I 864 او I 864 حسب الحالة
الفيش اللى هتعمله ..موجه لسفارة الولايات المتحدة الامريكية بالقاهرة
مع بعض على طول ان شاء الله لاى استفسار
كل اللى انا قولته ده هتلاقوه فى التعليمات اللى هتتبعت ليك

اضع بين ايديكم روابط مباشرة للفورم لجميع الاخوة اللى هيقدموا على فيزا الهجرة لامريكا فئة CR1
فى محاولة متواضعة منى لتيسيير عناء البحث عنها

[ندعوك للتسجيل في المنتدى أو التعريف بنفسك لمعاينة هذا الرابط]

Biographic information G325 A

[ندعوك للتسجيل في المنتدى أو التعريف بنفسك لمعاينة هذا الرابط]

DS 230 immigrant form

[ندعوك للتسجيل في المنتدى أو التعريف بنفسك لمعاينة هذا الرابط]

sponsor form !- 864

[ندعوك للتسجيل في المنتدى أو التعريف بنفسك لمعاينة هذا الرابط]

the petition I- 130

الاستمارات دى هتستخدمها سواء هتقدم من مصر او امريكا
تكلفة استمارة I 130 هى 355 دولار سواء هنا اة فى امريكا بتدفعهم فى اول مقابلة
تكلفة Ds 230 هى 400 دولار دى فى تانى مقابلة ( المقابلة النهائية ) و الفرق بين المقابلتين معايا هنا فى مصر كان 7 شهور تقريبا

هل فيزا CR1 قريبة من IR1 ؟؟؟؟

دورت فى منتدى انجليزى و لقيت ردود الاعضاء كالتالى بالنسبة للاختلاف او الشبه بين النوعين

Difference between IR-1 and CR-1 is following.

- IR-1 will receive 10 year validity versus CR-1 will receive 2 year validity.

- IR-1 may need to renew their Permanent Resident Card (also known as Green Card) when 10 year validity (expiry) day comes, but even if you don't renew it, or you miss it, you don't loose Legal Permanent Resident Status. You just have a couple of restrictions such as Country In/Out (Foreign country travel), Naturalization... You can renew it whenever it is convenient for you even AFTER expiry date.

- CR-1 needs to file I-751 to remove the condition for your Green Card for 2 year validity, and need to PROVE your marriage is indeed maintained with same person for those 2 years. There are some exceptions, but you have to file I-751 to remove the condition. You can file I-751 from 90 days prior to expiry date to expiry date, and if you miss it, you will loose your legal permanent resident status.

باختصار CR1 للمتزوجين من امريكى / امريكية لمدة اقل من سنتين و دى بتديلك جرين كارد صالح لسنتين اللى هو جرين كارد مشروط بزواجك و يجدد بعدين بعد انتهاء صلاحية السنتين
IR1 للمتزوجين من امريكى / امريكية منذ اكثر ن سنتين و دى بتديلك 10 سنين جرين كارد على طول من اولها و تجدد بعد كده
رأى ان الاثنين قريبين من بعض
و على العموم هما افضل من K3 فيزا الخطيب .. على الاقل انت بتكون مخلص كل ورقك من هنا و تسافر
بالنسبة للتقديم من امريكا بتملا نفس الاستمارات و بتدفع نفس الفلوس

قبل المقابلة النهائية
عايز اضيف معلومة صغيرة
استمارة Ds 230 للمهاجر
اخر جزء فيها لا توقع عليه قبل ارسال المستندات للسفارة
حيث يتم توقيعه امام القنصل او نائبة اثناء المقابلة النهائية
وسوف تقسم امامهم ان جميع المعلومات و البيانات فى الاستمارة صحيحة

ما تقلقش
فى السفارة بيتكلموا انجليزى و عربى و ممكن تتكلم معاهم عربى
بس انك تتكلم بالانجليزى افضل ليك
ده راى الشخصى و انا اتكلمت معاهم انجليزى
يعنى بيديلك كريدت افضل
بس مفيش مشكلة فى العربى

ان شاء الله بعد الفيزا ما توصلك على البيت بيجى معاها ظرف اصفر مغلق به معظم الاوراق اللى قدمتها و ملصق عليه من الخارج معلوماتك الشخصيه
لا تفتح هذا الظرف فهذا من اختصاص ضابط الجوازات فى امريكا

بالتوفيق للجميع

الاوسمة
:

» فيزا الدراسه و فيزا العلاج فى الولايات المتحدة الامريكيه
» بعض الأسئلة المستخبية اللي ممكن تكون سبب للرفض أو مساعدتك لتسهيل ملئ الاستمارات و المقابلة.. للهجرة العشوائية
» انواع فيزا الهجررررة الى امريكا
» أسئلة هامة بخصوص فيزا b1b2
» عاجل,رسوم فيزا اللوتري نزلت النص من 819 الى 440 و الخبر أكيد

فيزا Cr1 منذ البداية حتى المقابلة النهائية

فيزا Cr1 منذ البداية حتى المقابلة النهائية

مواضيع مماثلة

مواضيع مماثلة