عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


 
الرئيسيةاليوميةس .و .جبحـثالأعضاءالمجموعاتدخولالتسجيل
آخر المواضيع
الموضوع
تاريخ ارسال المشاركة
بواسطة
اكسب 50$ . فقط سجل بايميلك وباسورد من خلال الرابط ادناه
إختبار واجوبة رخصة سياقة سيارة من ولاية فرجينيا
Two of Christ (verses in quran and evangelical
Is the Bible God's Word - Ahmed Deedat Vs. Jimmy Swaggart
Crucifixion – Fact or Fiction – Deedat vs Robert Douglas
Was Christ (PBUH) Crucified? - Debate - Sheikh Ahmed Deedat V.S. Bishop General Wakefield
Is Jesus God? Ahmed Deedat VS Erik Bock (Full Debate)
Is Jesus God ? - Ahmed Deedat VS Anis Shorrosh
Was Christ Crucified Debate - Ahmed Deedat VS Floyd E. Clark
Sheikh Ahmed Deedat - Daughters of Pakistan
الإثنين مايو 29, 2017 9:14 pm
الخميس سبتمبر 25, 2014 11:26 pm
الأربعاء سبتمبر 26, 2012 11:02 am
الثلاثاء يوليو 17, 2012 10:59 am
الثلاثاء يوليو 17, 2012 6:22 am
الثلاثاء يوليو 17, 2012 5:43 am
الثلاثاء يوليو 17, 2012 5:37 am
الثلاثاء يوليو 17, 2012 5:29 am
الثلاثاء يوليو 17, 2012 5:26 am
الثلاثاء يوليو 17, 2012 5:23 am
admin
tam r
admin
admin
admin
admin
admin
admin
admin
admin
أكثر المواضيع نشاطاًa7medvirus الجنس .. الجنس ... كل مايدور فى ذهنك عن العلاقة الحميمة ( الجنس ) .. تفضلووا - 296 المساهماتa7medvirus صعايدة ×صعايدة - 198 المساهماتa7medvirus نكت المحششين - 69 المساهماتa7medvirus نكت على كيف كيفك تجنن ... بس تعال - 40 المساهماتa7medvirus مشكله وحل ... ربما مررنا بنفس المشكله .. تفضلوا - 38 المساهماتa7medvirus دورة اللغة الانجليزية العامة المكثفة - 24 المساهماتa7medvirus دروس دورة تعليم المحادثة - 20 المساهماتa7medvirus لمن تريد التغير في حياتها الزوجية .......لك سبعة أسرار تجعل زوجك هائم بك .. - 19 المساهماتa7medvirus فآجئي زوجك..ادخلي هنا اكبر مجموعة افكار وهدايا للغالي.صور ولااروع - 9 المساهماتa7medvirus السواقة وامتحانات السواقة فى امريكا - 9 المساهمات

شاطر | 
 

 قصة زواجى من امريكية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
avatar
omar_ahmed
welcome
welcome

عدد المساهمات : 12
السٌّمعَة : 0
تاريخ التسجيل : 27/01/2012

معاينة صفحة البيانات الشخصي للعضو
مُساهمةموضوع: قصة زواجى من امريكية   الأربعاء فبراير 22, 2012 11:08 pm




السلام عليكم ورحمة الله وبركاته




قصة زواجى يوم 9/12/2011



السلام عليكم للجميع .. عاملين ايه ياجماعة .ومتشكر أوى على التهانى وعقبال عندكم ..
انا جيت النهاردة عشان احكيلكم قصة زواجى بالظبط عشان انتوا كمان ساعدتونى قبل ماأتزوج ..

خطوة عدم الممانعة من السفارة الامريكية



انا رحت اجيب مراتى من المطار
يوم 1/12/2011 بعد كده خدتها على شقتى ريحنا أول يوم وتانى يوم رحنا على
السفارة الامريكية دخلنا قسم خدمة الرعايا الامريكان . الموظفة قالتلنا
اهلا ياجماعة قولنالها اهلا بيكى احنا عاوزين عدم ممانعة وأدى الموافقة من
اهلها فقالت ليه قولتلها عشان انا خطيبتى 20 سنة وانتوا كاتبين على الموقع
الزوجة لو تحت 21 سنة لازم تجيب موافقة من اهلها قالت يعنى انتوا عاوزين
عدم ممانعة عشان تتجوزوا قولنالها اه بالظبط ده قالت خلاص شيل الورق ده من
هنا وخد الاستمارة دى املاها الاستمارة دى بقا فيها جزء عربى والجزء التانى
انجليزى انت هتملء الجزء العربى ده بنفسك لمراتك وبعد كده رحت دفعت فى
الخزنة 30 دولار بعد كده دخلنا لموظف امريكى خلى مراتى اقسمت انها تريد
الزواج من بكامل ارادتها وهو مبتسم وكده او كده انا ومراتى اصلا متزوجين
على الطريقة الاسلامية قبل ما تنزللى المهم الموظف الامريكى مضى على عدم
الممانعة وقالنا أور كونجراتيليشن يعنى مبروك Smile ..


خطوة الزواج فى وزارة العدل ..

خدت مراتى وطلعت على مكتب وزارة الخارجية اللى فى
المهندسين احمد عرابى صدقنا على عدم الممانعة وبعد كده على مجمع التحرير
عشان احول فيزا مراتى من سياحية الى اغراض غير سياحية المهم دخلت على شباك
خدتلها اقامة لمدة شهر ببلاش وانا واقف بعد كده رحت البريد اشتريت طابع
اسرة بخمسين جنيه وبعد كده رحنا على مستشفى جمب وزارة العدل وعملنا الكشف الطبى وبعد كدة رحنا وزارة العدل هنا قدمت بطاقتى الشخصية
وباسبور مراتى وصور بطايق الشهود و5 صور ليا انا و5 لمراتى وقعدنا شوينا
وندهوا علينا المهم الموظف اللى جوه بيسألك انت عاوز تحط مهر كام افضل انك
تحط أقل حاجة خالص لأنك مش هتستفيد حاجة دى حاجة روتينية بس يعنى انا متفق
مع أهل مراتى على المهر والصدقة من قبل كده عشان هما اصلا عيلة كلها مسلمة
المهم الحمد لله كتبت كتابى على خير يوم 9/12/2011 يعنى الموضوع كله خلص فى
يوم واحد . المهم الموظف قاللى تعالا خده بعد 5 ايام رحت بعد 5 ايام قالتلى
الموظفة ده لسه الورق ماخلصش المهم ظبطتها يعنى رشيتها أحسن حد يفهم غلط
قالتلى استنانى شوية وهنده عليك المهم ندهت عليا واستلمن عقد زواجى والحمد
لله على خير ..



الترجمة والتصديق على عقد الزواج ..

خدت عقد زواجى من وزارة العدل وركبت تاكسى للشهر العقارى اللى فى رمسيس خدت
ختم أمين عام دفعت 20 جنيه وبعد كده دخلت على الترجمة ودفعت 40 جنيه
وقالتلى الموظفة تعالا خد العقد المترجم بعد 3 ايام رحت الحمد لله استلمت
العقد وكتبته فى مكتب كمبيوتر ورجعتلهم تانى وهما ختموا عليه وخدت ختم امين
عام تانى وبعد كده خدت ال3 عقود اللى هما عقدين عربى منوزارة العدل والعقد
المترجم من الشهر العقارى وطلعت على مكتب الخارجية اللى فى المهندسين برضو
وختمت ال3 عقود ب 33 جنيه يبقى العقد الواحد ب 11 جنيه تانى يوم صحينا
بدرى انا ومراتى حضرتلنا الفطار بعد كده خدتها وطلعت بيها على السفارة عشان
نختم العقد الانجليزى عشان يبقى معترف بيه فى امريكا المهم دخلنا جوا
والموظف نفسه خد العقدين العربى والانجليزى ودبسهم فى بعض فى اللحظة دى انا
فهمت ليه وزارى العدل اديتنى عقدين عربى عشان مراتى هتأخد معاها واحد مع
الانجليزى فى السفارة ويدبسهم فى بعض عشان تستعملهم هناك والتانى ليا انا
هنا اقدر استعمله فى مصر المهم دفعنا 30 دولار وختملنا على العقد وكده انا
خلصت زواجى احمد لله على خير بسهولة جدااا والله ياجماعة ومراتى كانت
فرحانة جدا اننا خلصنا كل حاجة بسرعة وبسهولة كده والحمد لله انا قطعتلها
تذكرة ووصلتها المطار وسافرت امبارح بالليل .. Smile




متطلبات وزارة العدل للزواج ..

المطلوب للزواج ..


1_عدم ممانعة من سفارة الزوج أو الزوجة ..
2_طابع أسرة ب50 جنيه ..
3_ 5 صور 4*6 ليك ولمراتك ..
4_ 2 شهود ببطايقهم..
5_صورة من باسبور مراتك وماتنساش تصور الفيزا بتاعتها ..
6_ صورة من بطاقتك الشخصية ..


معلومات عامة..



1_ ماتبقش متوتر وانت جوا السفارة ايأ كان ليه عشان تصديق عشان تأخد عدم ممانعة خليك زى الأسد وماتتوترش .
طب خلينا اقولكوا حاجة .. واحنا بنجيب عدم الممانعة
كان فيه شاب وست كبيرة عشان يجيبوا عدم ممانعة وخدوها قبل فاعادى ياجماعة
وماتتوترش لأن ده شغلهم وهما كمان لازم يبتسموا فى وشك جدا السفارة ..


2_خلى كل أوراقك جاهزة قبل ما مراتك تنزلك عشان تخلص اجرأتك بسرعة ..

3_كل أوراقك لازم تكون سليمة تجنبا للمشاكل ممكن غلطة بس يحطوك تحت البلاك ليست ..


احتياجاتك قبل ماتنزلك مراتك ..

شقة مفروشة نضيفة فى مكان بعيد عن الزحمة عشان تقدر توفر فلوس وبعدين افضل
من الفنادق بكتير انت فى شقتك تقدر تخلى مراتك تطبخلك بدل ماتدفع قد كده فى
التيك اواى فى الفنادق كل شوية بس لازم الشقة تكون مفروشة فرش نضيف وكويسة
عشان تشرفك قدامها وكمان ماتنساش ان انتوا عرسان جداد ...




تذاكر الطيران لو انت اللى هتقطع زيى ..


1_دور كتير لحد ماتلاقى سعر مناسب .
2_ بعد ماتقطع التذاكر لازم تتصل بالشركة اللى انت حاجز عليها عشان تتطمن على تذكرتك بس ماتنسوش النقطة دى ..




كده بقا أكون خلصت قصة زواجى وياجماعة اللى يحتاج يعرف أى حاجة مايتكسفش انا هنا تحت امركم ..

بس وربنا وربنا اللى ما هيقوللى شكرا يابو حميد هعوره ..

والسلام عليكم للجميع .. Smile
 
ضع الاعلان هنا
الرجوع الى أعلى الصفحة اذهب الى الأسفل
 

قصة زواجى من امريكية

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: اجراءات الزواج من مواطن امريكى وملىء الاستمارات بالصووووووور-